সৌন্দৰ্য্য
কি মোহিনী মাৰি মোৰ ভুলালি হৃদয়
ভাঙিলি ব্রতৰ বান্ধ দুৰ্বল প্রাণৰ
ক’ত ক’ৰবাত এফেৰি ৰূপৰ কান্তি
অজ্ঞানে সজ্ঞানে সেয়ে ধ্যান জ্ঞান মোৰ
ভূমুকি মাৰোগৈ য’তো নাই অধিকাৰ
উন্মত্তৰ দৰে ফুৰো ঘৰত পৰত
প্রাণৰ আকাংক্ষা মোৰ হ’ল বহুমুখী
কৰ্তব্যৰ ঋণ দেখো নপৰে মনত
ফুৰিছো যাত্রীৰ বেশে স্বদেশ বিদেশ
সৌন্দৰ্য্য আভাস য’তে পাওঁ একনিকা
সুন্দৰৰ আৰাধনা জীৱনৰ খেল
অভিনয় অন্তে ঘোৰ কাল যৱনিকা
Or
CLICK HERE TO LIKE US ON FACEBOOK
No comments:
Post a Comment